12 ألف مستخدم هم عدد المشتركين فى الصفحة الرسمية للسناجل على الفيس بوك، جمعتهم "السنجلة"، فقرر كل منهم مواساة الآخر على طريقته.

تعليقات ساخرة أطلقها المشتركون على هذه الصفحة كنوع من المشاركة عن أشخاص يجمعهم الأمر نفسه، حيث علق أحدهم "بلا حب بلا قلة أدب إحنا معندناش غير 3 أعياد، عيد الأضحى، عيد الفطر، وعيد ميلادى"، وعلق آخر "ذات مومنت لما صاحبك يسألك هتعمل ايه فى الفلانتين.. ترد عليه يا سنجل وتقوله "أنا كائن مش موجود فى الوجود"، كما نشرت إحدى المشتركات فى الصفحة صورة لثمرة بطاطس على شكل قلب وعلقت "حتى البطاطس بتحتفل بعيد الحب إلا بنتك يا أمى".

ويكتب آخر "يا جماعة متزعلوش نفسكم احنا ممكن نعمل حاجة تانية ويكون ليها فاعلية كبيرة ومن خلالها هنقدر نحس إننا عملنا حاجة فى اليوم ده زى مثلا اننا ننزل من البيت نروح الأماكن اللى بيحتفلوا فيها اخوانا البعدا "المرتبطين"، ونيجى جمبهم ونغنى "مش كل اللى بنحبهم هيكونوا لينا".

خطة أخرى تم نشرها على الصفحة الرسمية للسناجل بواسطة أحد المشتركين، وقال "إحنا نقسم نفسنا مجموعات فى أشهر أماكن الحبيبة، وكل مجموعة تشوف اتنين حبيبه ماشيين يعملوا عليهم سطو مسلح، واللى هيحقق أكبر عدد من الضحايا هنعينه رئيس ربطة السناجل".




أكثر...