-
أبو زنيهر .. مدير ؟!
أبو زنيهر .. مدير ؟!
بالعشرينات چان اكو فلاح فطير و من اهل الله عنده زمال تكرمون يحمل عليه ويكرب عليه بقرية بعيدة ،، الحكومة بدت تبني مدارس بالارياف ، وصاحبنا مر على العمال ، جاي يبنون بمدرسة ، سألهم بوية شتبنون گالوله عمي نبني مدرسة ، گال وعود شنهي هاي المدرسة ، گلوله هاي تسوي الزمال آدمي ،، گاللهم هاااا ، گالوله مثل ما نگلك عمي ،، گال هسه هذا ابو صابر المْطَيْ مالتي من أخليه يمكم يصير آدمي لان مدولبني يعض ويزگط وصعب فرد نوب ،، ذولة نغولة واحد ندس الثاني ، گاله ، ولك خلي يجيبة نحمل عليه ونگضي بيه شغل ، گاله اي عمي خلي يمنه وانت روح ، عافه يمهم وراح ، ذوله خلصو شغل بابو صابر وكملت المدرسة وبعدين باعوه و أكلوا فلوسه وراحوا ، وره خمس سنين ، ستة ، صاحبنه اتذكر الزمال ، گال خلي اروح اشوف ابو صابر صار آدمي بعده؟ ، وصل للمدرسة لگه المدرسة بيها طلاب و معلمين و بالصدفة مدير المدرسة اسمه استاد ابو صابر ، كالهم عمي وين الزمال مالتي ابو صابر ، گالوله المعلمين عمي احترم ابو صابر مدير المدرسة ، گال هااا والنوب صاير مدير ، صيحولياه ، إجه المدير لابس قاط ورباط ، گاله تفضل عمي ، گاله ها ولك ابو صابر ما عرفتني نسيت شگد چنت أُحمِّل عليك ، واترسلك العليجة شعير ، گاله عمي انت مخبل شبيك ، گاله ولك ابو صويبر شنهي الغاط والرباط خلنّك تحچي وياي هيچ بعده يلالك عندي ، المدير گاله عمي روح منا لا ابتلي بيك ، گاله خايب كلش سويت روحك ما تعرفني ، ولك موش حتى رشمتك بعدني ضامها الك ، المدير انحرج وضاج ، حط على صاحبنا وطگه بدفرة على صدرة ، فقد الوعي ، اجوه المعلمين ذبوا عليه ماي و فرچوله ، گعد ، گالهم والله هو صويحبي ، صحيح هندامه متبدل لابس غاط ابدال الجلال ، بس اعرفه من زگطته هيه هيه.
عمي على كيفكم وإذا لبستوا غاط ورباط تره نعرفكم من الزگطه
حتى لو بدلتو الجلال بالقوط
ابو صابر يبقى ابو صابر حتى لو بدل ( إجلاله ) اي ملابسه ؟
والحليم تكفيه الاشاره!!!!!
معلومات الموضوع
الأعضاء الذين يشاهدون هذا الموضوع
الذين يشاهدون الموضوع الآن: 1 (0 من الأعضاء و 1 زائر)
المواضيع المتشابهه
-
بواسطة rss_net في المنتدى منتدى اخر مواضيع شبكة عراق الخير
مشاركات: 0
آخر مشاركة: 08-08-2015, 07:01 PM
-
بواسطة كرار حاتم في المنتدى منتدى المواضيع العامة
مشاركات: 1
آخر مشاركة: 05-02-2015, 01:19 PM
-
بواسطة ظلال الوادي في المنتدى منتدى المواقف الطريفة والنكات
مشاركات: 0
آخر مشاركة: 03-03-2015, 09:53 PM
-
بواسطة سنابل الخير في المنتدى منتدى أخر خبر ودلالاته
مشاركات: 0
آخر مشاركة: 06-10-2014, 03:55 PM
-
بواسطة حيدر المرعب في المنتدى منتدى أخر خبر ودلالاته
مشاركات: 0
آخر مشاركة: 02-06-2014, 03:40 PM
الكلمات الدلالية لهذا الموضوع
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
جميع آلمشآركآت آلمكتوبه تعبّر عن وجهة نظر صآحبهآ ,, ولا تعبّر بأي شكل من الاشكال عن وجهة نظر إدآرة آلمنتدى
المفضلات