كنا في زمن صدام (( بخير ))

چانت الگلوب طيبة : الجار يكتب على الجار، والاخو يكتب على اخوه !
الخير موجود : الخبزة ياكل بيها اربعة، والفواكه من گد ما شبعانين منها عمرها ما دخلت للبيت !
التجارة كانت رائجة : تبيع غراض البيت وتشتري مخضر
الصناعة المحلية كانت نشطة : البطانية صارت قمصلة والقميص ينكلب مرتين !
امن وامان : بحيث الرفيق يمشي الساعة وحدة بالليل محد يتحرش بي !
جانت الناس هواي تقراء قرآن خصوصا من تفوت على سيطرة مال انضباطية
وتطور وثقافة : بيوت للـ.... والشرب بكل مكان حتى بساحة ٥٥ !
حرية وديمقراطية : بالانتخابات يخيروك بين صدام وابو عدي !
ماكو طائفية : تقرأ نهج البلاغة ومن تخلص ترجع تدفنة بالحديقة !
جان العراق هيبة : الكويتي يكرهك والايراني يبغضك والأردني يأكل حقك
ومن تريد تسافر لازم تدفع ٤٠٠ الف دينار
الجندي المكلف راتبة ما يوصلة للنهضة والموظف راتبه ٣ الاف ما تكفيه يومين عايش على الرشوة
مقابر جماعية ابد ماكو بس ٥٠٠ الف انسان اندفن بيها
التطور العسكري وصل لحد استخدام الأسلحة الكيمياوية في حلبجة والانفال
جيش قوي رصين : انهزم بـ 1991 ، وبليلة من 2003 ما تشوفلك جندي
‫
‏منقول‬