بالصور.. شارع محمد على من "الفرفشة" لـ"دوشة" البـاعـة الجائلين

[نوره]

بالصور.. شارع محمد على من "الفرفشة" لـ"دوشة" البـاعـة الجائلين

سنوات طويلة مرت، تحول خلالها شارع محمد على من شارع "الفن والفرفشة" إلى سوق شعبى يكتظ بالمحلات التجارية وعربات النقل وحافلات ومخازن السلع المختلفة، فالمحلات التى كانت ممتلئة بآلات العود والأدوات الموسيقية أصبحت محلات لتجارة التجزئة وبيع البضائع المخزنة.

تاريخ المكان يحكيه عم "أحمد بدر"، 45 عاماً، الذى كان يمتلك أكبر محل لبيع الطُبل والدفوف فى شارع محمد على لكن بمرور الوقت تحول إلى مخزن بضائع تجار التجزئة والجملة، ويقول "بدر": "الشارع ده بقاله أكتر من 100 سنة عمله واحد مهندس فرنساوى زى باريس تمام"، ويتحدث عن سبب تغيير نشاطه: "الشغلانة ما بقتش زى زمان، الناس مش عايزة الطبول الأصلية اللى تعيش كله عايز أى حاجة صينى تقضى الحال بس محدش يعرف قيمة الحاجة المتكلفة اللى بقالها زمن".

لم يكن هذا رأى "شريف عبد الله"، 23 سنة، "صاحب محل أثاث وأجهزة كهربائية بشارع محمد على"، الذى قال: "أنا موجود من ثلاث سنين فى محمد على، بس الشارع مبقاش زى الأول طبعا محلات تأجير أدوات الموسيقى خلاص بقت مش موجودة وبقى فيه ناس تانيين فى الشارع وكمان بياعين العتبة احتلوا الرصيف وبقت فيه كل يوم خناقة بين المحلات والبياعين".

لكن "على بطراوى"، أحد سكان شارع محمد على منذ خمسين عاما، قال: "الشارع بقى دوشة أوى كل يوم بصحى على خناقة ومش عارف أنام أنا وأسرتى من صوت البياعين ومكبرات الصوت، بس زمان كان الشارع ده هادى أكتر من أى حى راقى فى القاهرة"، ويضيف بعد أن ارتسم الحزن على وجهه: "خلاص بقى إحنا فى زمن كل حاجة فيه اتغيرت".

أكثر...

المصدر: منتديات عراق الخير والمحبة - من قسم: منتدى أستراحة الأعضاء