ليلى الشبح تكشف الاسرار بعد رحيل حلمي بكر ومشاجرتها مع هند عاكف في العزاء

كشفت المنتجة المصرية ليلى الشبح اسرار مهمة بعد رحيل حلمي بكر واوضحت سبب هجومها على هند عاكف وارملته سماح القرشي خلال مراسم عزاء الموسيقار حلمي بكر.

وقالت ليلى الشبح :أن مدير أعمال حلمي بكر الذي سرق منه 2 مليون جنيه، هو زوج ابنة شقيقة هند عاكف.

ليلى الشبح توجه رسالة الى هند عاكف

وجهت المنتجة ليلى الشبح رسالة الى هند عاكف قالت فيها :كنتي قولي لزوج بنت أختك عيب ورجّع فلوس الراجل، بدل ما يتجوّزها بفلوس سرقها من الراجل، يعني تقهري الراجل وتيجي في جنازته؟ أحسبها إزاي؟ إن أنتي ومراته متفقين مع نور، أنتوا التلاته متفقين؟ ما أنتي جاية تبوسيها وتحضنيها.

اقرا المزيد.. دعوة زواج كريستيانو رونالدو تثير الجدل

وتابعت الشبح في رسالتها لهند: مش عارفة أقول إيه لهند عاكف هي مالهاش ذنب، بس نور جوز بنت أختك، وعارفة إن الدنيا كلها حصلت معاه وإنتي جاية العزاء، يا سبحان الله على الناس اللي مبتحسش، يقتلوا القتيل ويمشوا في جنازته.

حلمي بكر مخطوف

قالت ليلى الشبح : “اللي أعرفه إن حلمي بكر كلّم بسام قاله إلحقني أنا مخطوف، وأنا اتصلت وقالولي إنه مخطوف، وطبعاً بسام غيّر كلامه وإحنا عارفين هو عمل كده ليه… نور ده مش مدير أعمال حلمي بكر، هو قاله مشّي اللي عندك وأنا همسك لك كل حاجة، وهو كان مخطّط لسرقة الـ2 مليون جنيه، وحلمي كلّمني وقالي هاتيلي الواد ده، ده ضحك عليا وسرقني، والمحامي بتاعي وبتاع حلمي رفع على نور قضية”.

شجار ليلى الشبح مع سماح القريشي

قالت الشبح عن سبب شجارها مع سماح القرشي أرملة الموسيقار الراحل حلمي بكر، خلال عزائه الذي أُقيم في مسجد الحامدية الشاذلية: بإن الموسيقار لجأ إليها لحمايته من القرشي.

اقرا ايضا.. تسريبات إصابات رامز قفل اللعبه تثير الجدل

وأضافت: “أنا كنت قاعدة مع المستشار مرتضى منصور في العزاء، وبنتي كلّمتني علشان نمشي وقالتلي بيتكلموا وبيغلطوا فيكي، فأنا روحت أسألهم بتغلطوا ليه؟ قالولي خلاص علشان العزاء، لقيت مرات حلمي بكر ، بتقول مين ليلى حواوشي دي؟ هي مين دي أصلاً؟ لأ أنتي عارفة أنا مين كويس أوي، وعارفة أنا عارفة عنك إيه من حلمي، كل حاجة بتعمليها حلمي حكاها ليا بتفاصيلها وناسها، أنتي وغيرك الناس اللي معاكي عندي… حلمي بكر لجأ ليا من كام سنة وقاللي الست دي بتعذبني وخدت بيتي وطردتني، رجع قاللي أنا صابر وقاعد علشان بنتي، وبعد كده رجع لها الشهور اللي فاتت، وطبعاً هي حبت إنه يكتب الشقة باسمها ومعرفش بصراحة عملت له أعمال ولا لأ علشان يكتب عليها تاني”.

ورحل الموسيقار حلمي بكر عن عالمنا ، عن عمر ناهز 86 عاماً، تاركاً إرثاً موسيقياً كبيراً يقدر بـ 1800 لحن ومقطوعة موسيقية، وكان بكر واحداً من عمالقة الفن المصري والعربي، ولحن لكبار الفنانين.

اقرا الان: من هي سماح القرشي زوجة حلمي بكر | تفاصيل زواج حلمي بكر

من ناحيته قال المستشار مرتضى منصور محامي هشام بكر نجل الموسيقار حلمي بكر إنه سيتقدم ببلاغ للنائب العام يتهم فيه أرملة الراحل حلمي بكر بالقتل، وأضاف مرتضى منصور في تصريحات , أن أرملة حلمي بكر أهملت في رعايته حتى توفي.